Sitted from front row (left to right): Hon. John JOSEPH, Hon. LIKI allan Molvoke, Hon. SILAS Danny Mophet ,Hon. Marie-Louise MILNE, Hon. IAVRO Robson Nalan, Hon Ralph REGENVANU, Hon. John LUM –
Sitted from second row: Hon. John Still TARIQUETU, Hon. Franklyn EZRA, Hon. Jackson LESSA, Hon BULEBAN Basile, Hon. Fred SAMUEL, Hon Terry ALICK, Hon. Steven
Dorrick FELIX
Back row standing: Hon. James NOUMETA, Hon. Robert M. BOHN, Hon. Jean-Jacques Ngwele, Hon. Paul PAOLO, Hon. Jones MALNIMBWEN, Hon. Andrew Wilbur NAPUAT, Hon. Matai Manaika KALTABANG, Hon. Marc MUELSUL
Ofis blong Parliamentary Secretariat i oganaesem fes Program blong Orientesen blong olketa Memba blong Palemen long fes wik blog manis Februari, mo hemi festaem we program ia i happen mo i happen blong fes taem, long namba 14 Palemen blong Ripablik Blong Vanuatu.
Orientesen hemi wan aweanes we ofis blong Klak blong Palemen wetem ol Maneja blong ol difren seksen insaed long Haos blong Nasonal Palemen wetem ol staff blong olketa oli oganaesem blong helpem ol Memba blong Palemen i andastandem hao Plaemen i wok mo hao bambae olketa lida ia i save iusum gud ol seves we Parliamentary Secretariat i ofarem.
Ol Memba blong Palemen i kat plante wok blong mekem, aotsaed mo insaed long Palemen, long taem blong ol miting blong Palemen (Parliament Sitting) mo aotsaed long ol taem ia, be oli mas kam mekem wok blong olketa long Haos blong Plaemen taem we i nid.
Ol Memba blong Palemen i go thru orientation bifo oli tekem ofis long Nasonal Haos blong Palemen mo start mekem wok blong olketa.
From risen ia hemi impoten tumas blong olketa Honorabol lida we pipol i elektem olketa i mas save gud hao blong mekem gud ius long save we oli karem long taem blong orientesen blong helpem olketa i save hao oli mas wokabaot wetem hao mo wea bambae oli kasem ol help we oli nidim blong kipim wan gud reputesen olsem wan lida taem oli stap mekem wok blong olketa.
Memba blong Palemen hemi karem vois blong pipol long constituency blong hem mo orientesen i blong priperem hem blong mekem wok blong hem wetem full confidence.
Parliamentary Secretariat i oganaesem Orientesen blong olketa niufala memba blong Palemen we oli winim jea blong olketa long fes taem long snap eleksen blong 16 Janwari 2025 be invitesen i bin go long evri Memba blong atendem mo feedback hemi bin positive.
Honorabol Andrew Wilbur NAPUAT, Memba blong Tanna Constituency i konfemem se Orientesen ia hemi openem tingting blong olketa mo priperem olketa from wok we i stap long foret blong olketa.
Hon. John Still TARIQUETU, Memba blong Ambae Constituency i talem sem samting taem hemi komperem taem blong hem, taem hemi kam wan Memba blong Palemen blong fes taem, i no bin kat program olsem mo hemi deskraebem taem ia olsem wan taem blong jalenj from ol kam Memba blong Palemen be role blong olketa i no klia from olketa besic save ia i nokat long olketa...tuketa, tufala Honorabol Memba i askem blong program ia i mas kontiniu.
Olketa topic blong orientesen ia hemi bin tokbaot ol topic ia; Hao Palemen hemi wok, Wanem hemi Parliamentary Secretariat, Wanem hemi Standing Orders mo Parliamentary Procedures, wan tua long Haos blong Nasonal Palemen, Wanem hemi MPs Entitlements mo wanem hemi Legislative Management Information System.
Sam foto blong orientesen:
